སློབ་གསོ།         སྐད་ཡིག         རྩོམ་རིག        ཆོས་ལུགས།        སྒྱུ་རྩལ།        གསོ་རིག        དམངས་སྲོལ།        དཔེ་དེབ།         སྒྲ་བརྙན།        པར་མཛོད།         གློག་རྡུལ་དུས་དེབ།         དྲི་བ་འདོན་ས།       
 
 
བོད་ཁུལ་གྱི་བདེ་ཐང་སྐོར་གྱི་དེབ་ཕྲེང་ཐོག་མ་འགྲེམ་སྤེལ་བྱས་པ།
སྤེལ་དུས། 2015-11-20   ཡོང་ཁུངས། ཀྲུང་གོའི་བོད་ལྗོངས་དྲ་བ།   རྩོམ་པ་པོ།  ཀླུ་མོ།
   ཟླ༡༡པའི་ཚེས ༡༩ ཉིན་མཚོ་སྔོན་མི་རིགས་དཔེ་སྐྲུན་ཁང་གིས་ཕྱིར་བསྒྲགས་པའི་གསར་འགྱུར་ལྟར་ན།ཀྲུང་གོའི་བོད་ཁུལ་གྱི་བདེ་ཐང་སྐོར་གྱི་དེབ་ཕྲེང་ཐོག་མ་འགྲེམས་སྤེལ་བྱས་ཡོད་པ་དང་།དེབ་ཕྲེང་དེ་ནི་བོད་ཁུལ་གྱི་རོང་འབྲོག་དམངས་ཚོགས་ལ་དེང་རབས་ཀྱི་སྤྱི་ཚོགས་བདེ་ཐང་དང་།ལུས་ཁམས་བདེ་སྲུང་།
རིམས་ནད་སྔོན་འགོག་གི་འདུ་ཤེས་གསར་བ་བརྒྱུད་སྤྲོད་དང་།བོད་ཁུལ་གྱི་རོང་འབྲོག་དམངས་ཚོགས་ཀྱི་བདེ་ཐང་གི་འདུ་ཤེས་རྒྱུད་ལ་ཆགས་པར་སྐུལ་འདེད་བྱེད་པར་དམིགས་ཡོད།
  བོད་རྒྱ་སྐད་གཉིས་བདེ་ཐང་སྐོར་གྱི་དེབ་ཕྲེང་དེར་བསྡོམས་པས་དེབ་ལྔ་ཡོད་དེ།《བདེ་ཐང་གི་གོ་དོན་གསར་བ》དང་《མ་བུ་བདེ་སྲུང་གི་ཤེས་བྱ》《མཐོ་སྒང་གི་ནད་རིགས་སྔོན་འགོག་ལག་དེབ》《ཟས་རིགས་བདེ་ཐང་དང་མྱུར་སྐྱོབ་ཤེས་བྱ》《རོང་འབྲོག་ས་ཁུལ་གྱི་རྨང་གཞིའི་སྨན་བཅོས་ཤེས་བྱ་དང་བདེ་ཐང་ལག་དེབ》བཅས་ཡིན་པ་དང་།ཡིག་གྲངས་ཁྲི༡༦ཡོད་ལ་པར་སྐྲུན་གྱི་སྔ་གཞུག་ཏུ་ལོ་ངོ་གཉིས་འགོར།
  མཚོ་སྔོན་མི་རིགས་དཔེ་སྐྲུན་ཁང་གི་དཔེ་དེབ་རྩོམ་སྒྲིག་པུའུ་ཡི་ཀྲུའུ་རིན་བསོད་ལོས་ངོ་སྤྲད་པ་ལྟར་ན།དེབ་ཕྲེང་དེ་ནི་གཙོ་བོ་མིའི་རིགས་ཀྱི་བདེ་ཐང་ལ་ཤན་ཤུགས་ཐེབས་པའི་འགོས་ནད་སྔོན་འགོགསྦྲུམ་སྔོན་གྱི་བདེ་ཐང་མཛུབ་སྟོན།མཐོ་སྒང་ས་ཁུལ་གྱི་རྒྱུན་མཐོང་ནད་རིགས་བཅས་དང་།བོད་ཁུལ་གྱི་བྱི་ནད་དང་།མཆིན་འབུའི་ནད།ཨེ་ཙིའི་ནད།ཁྱི་ནད།གློ་གཅོང་སྔོན་འགོག་སོགས་ཕྱོགས་མང་པོར་འགྲེལ་བཤད་བྱས་ཡོད་པ་དང་།དེ་ནི་ནང་དོན་ཕུན་སུམ་ཚོགས་ལ་གོ་བདེ་བའི་སྐད་ཆའི་སྦྱོར་བར་བརྟེན་ཡོད་པས་དམངས་ཚོགས་དང་མཐོ་སྒང་གི་འཚོ་བར་ཐག་ཉེ་ལ།བཀོལ་སྤྱོད་ཀྱི་རང་བཞིན་དང་མཛུབ་སྟོན་གྱི་རང་བཞིན་ལྡན་ཡོད།བསོད་ལོས་བཤད་རྒྱུར།བདེ་ཐང་གི་གནད་དོན་ནི་ཉིན་རེ་བཞིན་སྤྱི་ཚོགས་ཡོངས་ཀྱིས་དོ་སྣང་བྱེད་བཞིན་པའི་གླེང་གཞིར་འགྱུར་བཞིན་ཡོད་ལ།བོད་ཁུལ་ཡང་དེ་བཞིན་ནོ། ། བདེ་ཐང་ཅན་གྱི་ཀྲུང་གོ་འཛུགས་སྐྲུན་བྱེད་པར་འཕེལ་རྒྱས་དང་ཤེས་ཡོན་གྱི་འདུ་ཤེས་ལ་འགྱུར་བ་གཏོང་དགོས་ལ།དམངས་ཀྱི་བདེ་ཐང་གི་ཆུ་ཚད་འཕེལ་རྒྱས་སུ་བཏང་སྟེ་བདེ་སྐྱིད་བསྐྲུན་དགོས།འཕེལ་རྒྱས་དང་ཤེས་ཡོན་དར་འཕེལ་དང་ཆབས་ཅིགདེབ་ཕྲེང་འདིས་མིག་སྔར་གྱི་ཁ་ཚ་དགོས་གཏུག་གི་དགོས་མཁོ་བསྐང་ཡོད།བསོད་ལོའི་རེ་བ་ནི་དེབ་ཕྲེང་འདིས་བོད་ཁུལ་གྱི་རོང་འབྲོག་དམངས་ཚོགས་ཀྱི་བདེ་ཐང་གི་འདུ་ཤེས་མཐོར་འདེགས་དང་།ཤེས་ཡོན་དར་འཕེལ་དུ་བཏང་སྟེ་བོད་ཚང་དག་གི་རྒྱུན་མཐོང་གི་ནད་རིགས་སྔོན་འགོག་ལ་དགེ་མཚན་བསྐྲུན་རྒྱུ་དེའོ།

  ཁ་བྱང་ཕྱི་མོ།   བོད་ཁུལ་གྱི་བདེ་ཐང་སྐོར་གྱི་དེབ་ཕྲེང་ཐོག་མ་འགྲེམ་སྤེལ་བྱས་པ།
(རྩོམ་འགན་པ། བསྟན་འཛིན)
 
འབྲེལ་ཡོད་ནང་དོན།
 
 
Copyright @ China Tibet Online
འདིར་འཁོད་ཡིག་རིགས་དང་པར་རིས་རྣམས་ཀྱི་པར་དབང་ཀྲུང་གོའི་བོད་ལྗོངས་དྲ་བར་དབང་བས་དབང་བཅོལ་ཆོག་མཆན་མེད་པར་སྤྱོད་མི་ཆོག
E-Mail:2083958102@qq.com
ཁ་པར།:010-58336070