སློབ་གསོ།         སྐད་ཡིག         རྩོམ་རིག        ཆོས་ལུགས།        སྒྱུ་རྩལ།        གསོ་རིག        དམངས་སྲོལ།        དཔེ་དེབ།         སྒྲ་བརྙན།        པར་མཛོད།         གློག་རྡུལ་དུས་དེབ།         དྲི་བ་འདོན་ས།       
 
 
དཀར་མཛེས་དགོན་པ།
སྤེལ་དུས། 2016-07-05   ཡོང་ཁུངས། ཀྲུང་གོའི་བོད་ལྗོངས་དྲ་བ།   རྩོམ་པ་པོ།  

དཀར་མཛེས་བཀྲ་ཤིས་དར་རྒྱས་ནོར་བུའི་གླིང་ནི་སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་དཀར་མཛེས་རྫོང་ཁོངས་སུ་མངའ་ཞིང་།   དཀར་མཛེས་ཁུལ་དུ་མཆིས་པའི་བོད་བརྒྱུད་ནང་བསྟན་གྱི་དགེ་ལུགས་པའི་དགོན་སྡེ་ཆེས་ཆེ་བ་དང་ཁམས་ཀྱི་ཧོར་དགོན་བཅུ་གསུམ་གྱི་ཡ་གྱལ་ཡིན།   ཆོས་སྡེ་འདི་ནི་སྤྱི་ལོ་1662ལོར་བཞེངས་པ་དང་།   ད་ལྟའི་བར་དུ་བགྲང་བྱ་350ལྷག་གི་ལོ་རྒྱུས་ལྡན།  

ཆོས་སྡེ་ཆེན་པོ་འདི་དཀར་མཛེས་ཁུལ་གྱི་བྱང་ཕྱོགས་སུ་རི་ལ་བརྟེན་ནས་བཞེངས་འདུག་ཅིང་།   འཛུགས་སྐྲུན་གྱི་རྒྱ་ཁྱོན་ལ་སྨི་གྲུ་བཞི་མ་འབུམ་2ལྷག་ཟིན་ཡོད།   དགོན་པའི་ནང་དུ་ཆོས་ཀྱི་བསྟན་བཅོས་དང་ལྷ་སྐུ་སོགས་རིན་ཐང་གཞལ་ཡས་པའི་རྟེན་འགངས་ཆེན་མང་པོ་ཉར་འདུག་ལ།   ད་ལྟ་གྲྭ་བཙུན་400ལ་ཉེ་བ་ཡོད།  

དཀར་མཛེས་དགོན་ནི་རྒྱལ་དབང་སྐུ་ཕྲེང་ལྔ་པའི་དངོས་སློབ་ཆོས་རྗེ་ངག་དབང་ཕུན་ཚོགས་ཀྱིས་ཁམས་ཕྱོགས་སུ་དགེ་ལུགས་པའི་དགོན་སྡེ་བཅུ་གསུམ་བཞེངས་པའི་གྲས་ཡིན་ཞིང་།   1655ལོར་སྡེ་དགེའི་ཡུལ་དཔོན་གྱི་རྒྱབ་སྐྱོར་འོག་ཧོར་ཆོས་རྗེ་ངག་དབང་ཕུན་ཚོགས་ཀྱིས་ཁམས་བྱང་ཕྱོགས་ཀྱི་དགེ་ལུགས་པའི་དགོན་སྡེ་ཐོག་མ་རྫ་དགོན་གསར་བཀྲ་ཤིས་དགའ་ལྡན་ཆོས་འཕེལ་གླིང་བཞེངས་པ་དང་།   དེའི་རྗེས་སུ་དཀར་མཛེས་དང་།   བྲག་འགོ  རྟའུ་སོགས་སུ་རྫ་དགའ་ལྡན་བསམ་གྲུབ་གླིང་དང་བྲག་འོག་དགའ་ལྡན་རབ་བརྟན་རྣམ་རྒྱལ་གླིང་སོགས་བུ་དགོན་བཅུ་གཉིས་བཞེངས།   དུས་ཕྱིས་མི་རྣམས་ཀྱིས་ཧོར་དགོན་སྡེ་བཅུ་གསུམ་ཞེས་མིང་ནས་འབོད་པ་རེད།།

 
འབྲེལ་ཡོད་ནང་དོན།
 
 
Copyright @ China Tibet Online
འདིར་འཁོད་ཡིག་རིགས་དང་པར་རིས་རྣམས་ཀྱི་པར་དབང་ཀྲུང་གོའི་བོད་ལྗོངས་དྲ་བར་དབང་བས་དབང་བཅོལ་ཆོག་མཆན་མེད་པར་སྤྱོད་མི་ཆོག
E-Mail:jiangbai@126.com
ཁ་པར།:010-58336716